Stáda luoddadoaimmahat ii hálit vel álggahit vuodjingeahččalemiid go njoammunsuodjalusgáibádusat eai leat vel gergosat.
– Mii diehtit ahte olbmuide lea dehálaš oažžut vuodjinkoartta, nuvt mii leat dál bargame olles leahtuin vai vuodjingeahččalemiid sáhttá čađahit. Lea dehálaš ahte mii bidjat ohppiid, vuodjinoahpaheddjiid ja min sensoriid dorvvolašvuođa ovddemuš, ja sávvat olbmot ipmirdit dan dili, dadjá Stáda luoddadoaimmahaga ossodatdirektevra Henning Harsem.
Harsem muitala maid ahte eambbo dieđut movt sii galget čoavdit vuodjingeahččalemiid bohtet go sii leat ožžon njoammunsuodjalusgáibádusaid čielggaduvvot dearvvašvuođaeiseválddiin.
