-Almmuhus-
OĐĐASATEai áiggo ráhkadit prográmmaid sámi álbmogii

Eai áiggo ráhkadit prográmmaid sámi álbmogii

-

-

TV2 lohpida geavahit 250 miljovnna ruvnno jahkái ođđasiidda, ja 50 miljovnna ruvnno jahkái dárogiel drámái, muitaluvvo kanála ođđa TV-šiehtadeami ohcamušas. Prográmmaid sámi álbmogii ja gielalaš dahje etnalaš unnitlohkoálbmogiidda eai áiggo ráhkadit.

Áibmomediadoaimma kommersiála ohcamušas čállá TV2 ahte miljovnna supmi galgá várrejuvvot njuolgga doaimmahuslaš goluide čadnon váldokanála ođassáddagiidda, Kampanje dieđuid mielde.

Unnimus 100 doaimmalaš jahkebarggu várrejuvvojit ođassáddagiidda váldokanálas.

– TV2:s lea áigumuš gievrudit kanála ođđasiid, muitaluvvo ohcamis.
 

Eai ráhkat prográmmaid sámi álbmogii

TV2 maiddái joatká áŋgiruššamis ráhkadit dárogiel drámáprográmmaid ja investerejit 50 miljovnna ruvnno dasa jahkái.

Kanála háliida geavahit unnimus vihtta miljovnna ruvnno mánáidprográmmaide ja vihtta miljovnna ruvnno nuoraidprográmmaide.

Osku-, guoimmuhan- ja valáštallanprográmmat leat maiddái prográmmaoasit maiguin kanála áigu áŋgiruššat bargat.

Prográmmaid sámi álbmogii ja gielalaš dahje etnalaš unnitlohkoálbmogii eai áiggo ráhkadit. Maiddái kultuvrra ja luonddu ja dieđaga birra eai áiggo ráhkadit prográmmaid.

Jus kanála čállá ođđa šiehtadusa stáhtain, de ožžot 135 miljovnna ruvnno buhtadusa jahkái.

(©NTB)

-Almmuhus-