Stádaministtar Erna Solberg lohká leat dehálažžan sáddet muhtimiid daid afghánalaš dorvoohcciin Kabulii, baldin dihte eambbosiid boahtimis Ruošša bokte Norgii.
Stádaministtar Erna Solberg lohká leat dehálažžan sáddet muhtimiid daid afghánalaš dorvoohcciin Kabulii, baldin dihte eambbosiid boahtimis Ruošša bokte Norgii.
Mannan vahkkus bohte vuosttaš geardde dán čavčča, eanet dorvoohccit Afghanistanas go Syrias. Eanaš oassi bohte Ruošša bokte Norgii, čállá VG.
Danne lea maŋimuš beivviid digaštallon ahte galgá go Norga giddet ruoššarájá.
Stádaministtar Erna Solberg lohká leat menddo árradin dál giddet rájá, muhto ahte UDI (direktoráhta mii hálddaša olgoriikkalaččaid), berre sáddet muhtimiid daid afghánalaččain geat bohtet iehčanassii Norgii, ruovttoluotta Kabulii ja Afghanistanii, iige Ruššii.
Gieskat galledii Justiisaministtar Anders Anundsen, Storskog rádjástašuvnna. Son dalle jo dieđihii ahte UDI galgá sáddet olbmuid geain ii leat duohta dorvodárbu Norggas, fas Ruššii dahje eará riikkaide.
Ikte bohte 102 dorvoohcci Norgii Storskog rádjástašuvnna bokte, dieđihit Nuorta-Finnmárkku politiijaguovllus.
