Mikkel Gaup ja Marianne Pentha eaba beassan Melodi Grand Prix loahppagilvvuide, muhto sudnos lea vel okta vejolašvuohta.
Sámi álbmotbeaivvi oassálasttiiga Mikkel Gaup ja Marianne Pentha 2021 Melodi Grand Prix maŋimuš oassegilvvus, muhto soai eaba beassan viidáset loahppagilvvuide.
Njealját oassefinála vuittii Kiim, dahje Kim Rune Hagen šuoŋain «My Lonely Voice». Son lávllui vuos Royane vuostá, gii ovdanbuvttii «Circus», ja dan maŋŋel ges vuittii Mikkel Gaupa ja Marianne Pentha vuostá, geat lávlluiga «Pages», čállá NTB.
Maŋimuš vejolašvuohta
Lávvordaga prográmmas lávllui maiddái Atle Pettersen «World on Fire» lávlaga man jury lea ovdagihtii válljen finálii. Maiddái sámi joavku Keiino lea válljejuvvon Norgga MGP finálii.
Sii geat vuoittáhallet oassegilvvuin ožžot vel vejolašvuođa beassat finálii go sin searvvis lágiduvvo ođđa gilvu ja doppe válljejuvvo vel okta loahppagilvvuide.
«Siste sjanse» lágiduvvo guovvamánu 15. beaivvi, ja dalle lea vuot Mikkel Gaupas ja Marianne Penthas vejolašvuohta beassat finálii.
