Luodda lea giddejuvvon go ballet ahte sáhttá uđas fierrat.
Ikte, bearjadaga, dieđihii Geaidnodoaimmahat ahte leat gidden E6-luotta Lákkovuonas. Olbmuide ii leat dál vejolaš vuodjit gaskal Romssa ja Finnmárkku.
Ikte dieđihedje sirdit árvvoštallama otnážii diibmu 08:30. Dál lea fas sirdojuvvon, ja ođđa árvvoštallan boahtá fargga, čuožžu Geaidnodoaimmahaga neahttasiiddus.
Finnmárkku politiijaguovlu dieđiha Twitteris ahte jus olbmot galget vuodjit Suoma rájá rastá, de dahkko árvvoštallan báikkis. Dat mearkkaša ahte leat Suoma Geađgeluobbala ja Gilbbesjávrri rádjevávttat geat mearridit vuodjima ektui. Rádjevávttaide sáhttá riŋget ja šiehttat ahte boahtá dakko. Sii geat ožžot lobi, eai dárbbaš logi beaivvi errenáigái.
