Vuollel guoktelot jahkásaš bárdni áššáiduhtton veagalváldin áššis
Vuollel guoktelot jahkásaš bárdni áššáiduhtton veagalváldin áššis
– Politiijat leat áššáiduhttán vuollel guoktelot jahkásaš bártni go galgá leat veagalváldán seammaahkásaš nieidda. Veagalváldin galgá dáhpáhuvvon sotnabeaivvi čuovganeapmái Deanus, čállá Finnmárkku politiijaguovllu konstituerejuvvon regiovdnalensmánne Einar Ingilæ e-poasttas Ávvirii.
Dutket ášši
Politiijat dutket ášši ja leat gažadan gillájeaddji ja áššáiduhtton olbmá.
– Leat sihkkarasten duođaštusaid ja politiijat leat dál vuordimin guorahallanbohtosiid iskkusin. Politiijat bohtet maid čađahit gažademiid vihtanin, dieđiha Ingilæ
Áššáiduhtton olmmái váldui gitta sotnabeaivvi čuovganeapmái ja luitui luovos seamma beaivvi maŋŋel gažadeami, dieđiha doaibmi regiovdnalensmánne.