Diibmu 04.06 bearjadaga čuovganeapmái ožžo politiijat dieđu niibbástallama birra gos okta lea roasmmohuvvan.
Politiijat dieđihit ahte sii leat váldán gitta ovtta nissonolbmo Sállanis maŋŋel go lea čuggen nuppi olbmo, gii lea maid nissona fuolki.
– Lea vehá roasmmohuvvan, ja goappašagat dutkojuvvoba beaivvi mielde Ákŋoluovttas. Ii leat vuos nu olu muitalit dan birra ja leat Hámmárfeasta politiijat geat dutket dáhpáhusa, lohká Finnmárkku politiija operašuvdnaguovddáža jođiheaddji Bjørn Tormod Syversen.
Goappašagat leaba ožžon divššu dearvvašvuođaguovddážis.
Operašuvdnaguovddáža jođiheaddji Syversen duođašta ahte nisu ja gillájeaddji leaba fulkkežagat.
