-Almmuhus-
-Almmuhus-
-Almmuhus-
SMÁVVAOĐĐASATDutket manne muhtumat buhcet eanet go earát 

Dutket manne muhtumat buhcet eanet go earát 

-

-

Olbmuin lea dál eanet dearvvašlaš eallinvuohki go ovdal. Muhto guoská go dat dušše olbmuide geat leat «sosiála ráidalasas» bajimusas?  Dan áigot dutkit dál gávnnahit. 

Gaskamearálaš norgalaččain lea maŋemus logi jagi rievdan eallinvuohki eanet dearvvašlaš eallinvuohkái. Muhto guoská go dát buorre ovdáneapmi buohkaide servodagas, vai dušše olbmuide geat servodaga sosiáladásis bajimusas? Manne buhcet muhtumat mis, ja earát fas leat álo dearvašat. Dat leat muhtun gažaldagat maiddá Norgga árktalaš universitehta (UIT) dutkit áigot gávdnat vástádusaid. 

Dutkit áigot gávnnahit makkár čanastat lea sosiála dilis ja eallindilledávddain. 

– Mii áigot gávnnahit lea go nu ahte sis geain lea unnán oahppu lea stuorát riska oažžut borasdávdda, váibmovigiid, diabetesa dahje Kols-dávdda, čilge UIT doavttergrádastipeandiáhtta ja dutki Rebeccca A. Hetland preassadieđáhusas. Son ovttasbargá dutkiiguin geat bargat Romssaiskkademiin.

Dávddaid maid dan iskkadeamis dutket leat dávddat maid muhtun muddui sáhttá eastadit dearvvašlaš eallindábiiguin.  Riskafáktorat sáhttet leat borgguheapmi, badjelmearálaš alkoholageavaheapmi, heajos borramušdábit ja unnán fysalaš lihkadeapmi. 

-Almmuhus-