Finnmárkku politiijaguovlu galgá ain odne dutkat skohterlihkohisvuođa mii lei Leaibevuonas Porsáŋggu gielddas, gos nuorra nieida duššai.
Dan dieđihit preassadieđáhusas.
Jotket dutkamis
Guokte nieidda galgaba vázzán skohterluoddaráigge go bođii skohter ja vujii njeaiga. Nubbi nieida roasmmehuvai bahuid ja jámii maŋŋel heaggagádjuma. Áššáiduhtton lea dál gažaduvvon ja luiton fas friddja ikte eahket. Gažadeamis beasai gullat ahte lea áššáiduhtton ráŋggáštuslága paragráfa 281 vuođul go lei ávvirmeahttumit dagahan nuppi dan dillái.
Áššáiduhtton lea čilgen iežas beali lihkohisvuođas, muhto politiijat eai áiggo lagabui šat muitalit maid son lea čilgen.
Ain olu lávkkit dutkamis
Dutkamis váilot ain olu lávkkit ovdal go politiijaide čielga mii lea dáhpáhuvvan lihkohisvuođa ektui sotnabeaivvi čuovgáneapmai. Politiijat galget ain gažadit vihttaniid, ja maid eará dutkat.
Áššáiduhtton lea váldán advokáhta Per Arve Amundsena bealušdeaddjin.