Romssa dutkiid prošeakta galgá čájehit makkár ávki alternatiiva dálkkodeamis ja dearvvašvuođasuorggi dálkkodeamis leat norgalaččaide dál ja boahtte áiggis.
Našunála dutkanguovddáža ollisteaddji ja alternatiiva dálkkodeami ossodaga seniordutkiguovttos Agnete E. Kristoffersen ja Anita Salamonsen leaba álggahan dutkanprošeavtta ja ohcaba oasseváldiid.
– Geavaheaddji- ja pasieanttavásáhusat leat vuođđun prošektii, muitaleaba soai psykalaš dearvvašvuođasuoji našunála vásáhusmáhtuguovddážii.
Ovttasbargu Canadain
Dutkan čađahuvvo ovttas Fuschia Sirois:an Bishop universitehtas Canadas. Ovttas galget dutkit čohkket norgalaččaid ja kanadalaččaid vásáhusaid.
– Mii háliidit iskan mo olbmot jurddašit go válljejit divššu dál ja boahtte áiggis. Sihku olbmot geat buhcet ja geat leat dearvasat oasálastet dutkamis, muitala Kristoffersen. Dutkit illudit buohtastahttit norgalaččaid ja kanadalaččaid vástádusaid.
Boahtte áigge dikšofálaldagat
Dutkama bohtosat sáhttet váikkuhit boahtte áiggi dikšofálaldagaid.
– Moai oaivvildetne ahte geavaheaddjiperspektiiva, mii lea guovddážis dán dutkamis, lea dehálaš ruovttoluottadiehtu Norgga dearvvašvuođaeiseválddiide, alternatiiva dálkkodeddjiide ja dálkkodeaddjiorganisašuvnnaide, lohká Salamonsen.
Dutkit doivot oallugiid searvat go dat attášii buoremus bohtosiid.
