-Almmuhus-
OĐĐASATDušše ovtta ambulánsabálvalusas ii lean boasttuvuohta bargobearráigeahču dárkkisteamis

Dušše ovtta ambulánsabálvalusas ii lean boasttuvuohta bargobearráigeahču dárkkisteamis

Journalista

-

-

Bargobearráigeahčču lea gávnnahan golmma geardde eanet rihkusáššiid ambulánsabálvalusas go muđui bargoeallimis.

– Dearvvašvuođafitnodaga seastimat čuhcet ambulánsabargiid bargobirrasii, oaivvilda Fagforbundet fágasearvi.

Ambulánsabálvalusa bargobiras lea hui heittot, čájeha jahkeraporta man Bargobearráigeahčču aiddobáliid lea sádden Bargo- ja sosiáladepartementii, čállá bargoeallima neahttaaviisa Frifagbevegelsen.

 

Badjelis go gaskamearálaččat

Go ambulánsabargit vulget gádjut heakka ja dearvvašvuođa, de lea ambulánsabargiid bargobirasváttisvuohta vuolemusas bargoaddi bealis.

Bargobearráigeahčču dárkkistii 105 ambulánsabálvalusa diibmá. Dušše ovtta bearráigeahčus ii leat makkár ge gohččun. Gaskamearálaččat ledje gávcci gohččosa juohke bearráigeahčus. Dat lea golmmageardde nu allat go gaskanearálaččat eará bearráigeahčuin maid Bargobearráigeahčču lea čađahan 2018:s. 

Gaskamearálaččat gávdne 2,5 rihkkosa juohke bearráigeahččamis.

 

Bártidit dearvvašvuođain

Ambulánsabálvalusa bargiin lea alit oassi dearvvašvuođabárttiin go oktiibuot olles Norgga bargoveagas, deattuha bearráigeahčču. Váttut nu go bissovaš huššaváttut, psyhkalaš váttut, nu go ballu ja deprešuvdna, oađđinváddu, buidodat, oažže- ja dáktedávda, dávddat mat pasieanttain njommot, bargovigit, ja váibmo- ja varrasuotnadávda.

2018:S oaččui Bargobearráigeahčču cavgilemiid bargodili ektui. Sii leat dan maŋŋel čađahan eanet bearráigeahču ambulánsabálvalusas.

 

-Almmuhus-