-Almmuhus-
-Almmuhus-
-Almmuhus-
OĐĐASATDušše bealli sáhkkohalle

Dušše bealli sáhkkohalle

-

-

Bealli sis geat vudjet menddo johtilit fotoboksaid meattá eai dárbbaš máksit sáhkuid eai ge masse biilavuodjinlobi. 

Diibmá mihtidedje ja govvidedje fotoboksat 124 000 biilavuoddji geat rihkko leaktomeari, dasa lassin vudje 16 000 olbmo menddo jođánit geainnuin gos fotoboksat mihtidit gaskamearálaš leavt­tu.

70 000 dáin eai ráŋggáštuvvon man ge láhkai, čállá Dagbladet. 

– Muhtimin leat govat nu heajut ahte eat oainne gii biillain vuodjá. Dasa lassin gáibi­duvvo ahte govvasáhcu lea čielggas vai govas nagodit oaidnit ahte biilla ovdajuvla lea siskkabealde mihttosaji, dadjá Politiijaid ovttadatjođiheaddji Vivi-Ann Haukås. 

 

198 miljovnna ruvnnu stáhtii 

Buohkat geat ásset olggobealde davviriikkaid eai ge dárbbaš máksit sáhkuid go lea menddo áddjái ja moalkái gáibidit sis mávssu. 

2018:s gárte biilavuoddjit máksit 198 miljovnna ruvnnu stáhtii go vudje menddo johtilit fotoboksaid meattá.  

(©NTB)

-Almmuhus-