-Almmuhus-
OĐĐASATDuššan skohtervuoddji gullevaš boazodollui

Duššan skohtervuoddji gullevaš boazodollui

-

-

61-jahkásaš albmás guhte gávdnui duššan Bissojohtduoddaris bearjadaga, lei gullevašvuohta boazodollui.

Duššan almmái (61) gávdnui bearjadat maŋŋilgaskabeaivvi.

Son lei jogažit Bissojohtduoddar guovllus. Balddas lei albmá skohter, dieđihit Finnmárkku politiijaguovddážis iFinnmark áviisii.

 

Gullevašvuohta boazodollui

Almmái sáddejuvvo rumašrahpamii gávdnan dihte jápminsiva.

Albmás lei gullevašvuohta boazodollui. 

Oapmahaččat leat ožžon jápmasága, muhto politiijat eai dáhto muitalit gosa almmái gulai.

 

– Gahččan jogažii

Politiijaid operašuvdnajođiheaddji Svein Erik Jakobsen muitala áviisii ahte almmái lea maŋimuš oidnon heakkas gaskavahkku.

Almmái lea leamaš vuodján šaldi mielde muhtin jogaža rastá mii ii jieŋo dálvet.

– Šaldi alde galgá leat váttis bissot, ja jogaš lea čieŋal. Dokko de lea bártidan, lohká Jakobsen.

Skohter galgá leat leamaš čázi vuolde ja heavvanan almmái galgá leamaš belohahkii darvánan dan vuollái ja maiddái leamaš čázi vuolde.

 

 

-Almmuhus-