Guokte olbmo duššaiga mikrogirdilihkohisvuođas Gildeskåla guovllus. Dan dieđiha Davvi-Norgga váldogádjunguovddáš HRS.
– Girdi gávdnui birrasii 17 kilomehtera Glomfjord nuorttabealde Gildeskål suohkanis badjelaš guovttis gaskavahku čuovganeamis, duođaštit HRS:s.
Ealu čohkkeme
Girdi dieđihuvvui jávkan diibmu 22:12 distateahkeda, maŋŋel go ledje mannan čohkket ealu Sáltoduoddaris distatiđida.
HRS álggahii ohcanakšuvnna masa serve guokte F16-girdi, SeaKing helikopter, ambulánsahelikopter ja guokte militeara Bell-helikoptera.
Eai diehtán gosa lei jođus
HRS čilge ahte dákkár mikrogirdit eai leat geatnegahtton dieđihit girdinplána, ja danne ii lean sihkar gos girdi lei.
Sii ohcagohte viidát, Meløy rájes oarjin, Sáltoduoddaris nuortan ja lulde Svartisen rájes
Sii jáhkket girdi vuollugit girdán go ledje ohcame bohccuid. Girdi lea maŋemus oidnon 14-áigge distaga, čállá NTB ođasgáldu.