Várggáin duššái okta olmmoš viessobuollimis.
Várggáin duššái okta olmmoš viessobuollimis.
Ikte lávvordaga veaigin birrasiid golmma áigge ožžo politiijat dieđu viessobuollima birra Várggáin, Nuorta-Finnmárkkus. Buollinčaskadeaddjit manne báikái ja álge jáddadit buollima, muhto viessu bulii jođánit ja oalát billahuvvái buollimis.
Diibmu 15.54 dieđihedje politiijat ahte suovvabuokčit ledje gávdnan ovtta olbmo duššan viesu siste. Operašuvdnajođiheaddji, Lars Gaupseth dajai iFinnmark aviisii lávvordat eahket diibmu 20.00 ahte buollinčaskadeaddjit ledje ain čađaheame jáddadeame buollima ja dárkkisteame báikki.
– Mis leat teknihkkalaš dutkit sajis, ja sii fertejit árvvoštallat leat sihkar mannat viesu sisa, lohká Gaupseth iFinnmark áviisii.
Viesus eai galgan leahkit eambbo olbmot.
Buollin Deanus
Árabut lávvordaga bulii ges viessu Juovlavuonas, Deanus. Politiijat ožžo dieđu buollima birra iđđes gávcci áigge, ja manne báikái.
Diibmu 09.12 dieđihedje ahte viessu leai oalát buollime, ja buollinčaskadeaddjit ledje jáddadeame buollima.
Buollimis ii roasmmehuvvon oktage olmmoš, dieđihit Nuorta-Finnmárkku politiijaguovlu twitteris.
