Politiijat duođaštit ahte olmmoš lea duššan johtolatlihkohisvuođas Málatvuomis Romssas.
Duorastaga beaškkehii biila ja guorbmebiila oktii E6:eš geainnus Málatvuomis Romssa fylkkas. Lihkohisvuohta deaividii váile diibmu 11.00.
– Muhtin olmmoš deakčasuvai lihkohisvuođas, ja dál duođaštit ahte son lea jápmán, dadjá Romssa politiijaguovllu operašuvdnajođiheaddji Karl Erik Thomassen NTB ođasdoaimmahahkii.
Johtolatlihkohisvuođa áššedilli ii leat vel čielggas, muhto vuodjinfievrrut galget beaškkehan oktii.
