Okta olmmoš duššai, ja golmmas sáddejuvvojedje buohccivissui maŋŋel biilalihkohisvuođa E8-luottas Romssa lahka.
Okta olmmoš duššai, ja golmmas sáddejuvvojedje buohccivissui maŋŋel biilalihkohisvuođa E8-luottas Romssa lahka.
Lihkohisvuohta dáhpáhuvai luoddaearu lahka Minken industriijapárkkas, čállá Nordlys.
Golbma biilla ledje lihkohisvuođas, ja politiijat ožžo dieđu diibmu 12:56.
Golmmas buohccivissui, okta duššan
Romssa politiijaguovlu dieđiha Twitteris ahte golbma olbmo leat sáddejuvvon Davvi-Norgga Universitehtabuohccivissui. Guokte olbmo leigga gitta biillaid siste, ja gádjunveahkit fertejedje čuohppat biillaid vai ožžo sudno luovos. Nubbi dan guoktásis lea duođaštuvvon duššan.
– Gádjunveahkit leat báikkis geahččame mii lea dáhpáhuvvan, dieđiha Romssa politiijaguovllu operašuvdnajođiheaddji Rune Nilsen TV2:i.
Politiijain ii leat diehtu man bahut dat golmmas, geat sáddejuvvojedje buohccivissui, leat roasmmohuvvan. (©NTB)
