-Almmuhus-
-Almmuhus-
OĐĐASAT Duottar Hearggit ožžon ruđa valáštallanšilju ásaheapmái

Duottar Hearggit ožžon ruđa valáštallanšilju ásaheapmái

-

-

Sámediggeráđđi lea juolludan 400 000 ruvnno rádjái doarjaga Duottar Hearggit searvái hukset ođđa valáštallanšilju Guovdageidnui. Prošeavttas čohkkejuvvo heargecrossaillju ja njoarostanillju seamma guvlui. Rusttet lea vuosttaš dán lágánin.

– Heargegilvvohallan ja njoarosteapmi leat dat guokte valáštallansuorggi maid mii duođas sáhttit gohčodit sámi valáštallamin. Danne mii leat hui ilus go Sámediggeráđđi sáhttá veahkehit dasa ahte dáid valáštallamiidda huksejuvvojit albma rusttegat Guovdageidnui, gos árbevierut leat nu nannosat go dat leat, dadjá sámediggeráđđi Henrik Olsen preassadieđáhusas.

 

Árbevieruid gáhttet

Henrik Olsen muitala ahte Sámediggeráđđi lea deattuhan dan man deaŧalaččat dát árbevierut leat dasa ahte gáhttet sámi kultuvrra.

– Valáštallama ja sámi kultuvrra gaskavuohta lea jáhkkemeahttun nanus heargegilvvohallamiin ja njoarostemiin, ja dasa lassin lea dáid valáštallamiid vejolašvuohta geasuheaddjin stuorra ovdun. Midjiide lea deaŧalaš leat mielde loktemin Guovdageainnu geasuheaddji mátkegeahčin, ja dan oktavuođas lea uhccán mii lea eanet áidnalunddot go dat maid Duottar Hearggit leat plánen, čilge sámediggeráđđi Olsen viidáseappot.

- Advertisement -
-Almmuhus-