-Almmuhus-
-Almmuhus-
SMÁVVAOĐĐASATDuortnosleagiteáhter fitná Norggas čájálmasain «Pohjonen Davvi Nord»

Duortnosleagiteáhter fitná Norggas čájálmasain «Pohjonen Davvi Nord»

-

-

Tornedalsteatern galleda Norgga iežaset čájálmasain «Pohjonen Davvi Nord». Teáhterčájálmasa fáddá lea gii mearrida mo Pohjonen lea, dahje mii Davvi lea ja mo Nord lea. Smávva muitalusaid bokte čilgejit mo olbmot leat vásihan doloža rájes geas lei váldi dan dahkat.

– Tornedalsteatern/Tornionlaaksonteatteri dahje Duortnosleagiteáhter lea jođus davás iežaset čájálmasain «Pohjonen Davvi Nord»

Geas lea mearridanváldi

Teáhterbihttá iská mii pohjonen/davvi/nord lea dahje mii dat sáhttá leat ja jearrá geas lea váldi dan mearridit. Bihttá geahččala čilget davviguovlluid ássiid bokte mii dat lea. Čájálmasas nektet neavttárat sihke ruoŧa-, suoma-, sáme-, meän-, dáro- ja kvenagillii, ja veaháš eŋgelasgillii ja binnánaš fránskkagillii. Bargojoavku lea jagi ovttasráđiid ja oktasaščoahkkimiin ja bargobájiin bargan, ja dramatihkkár Jenny Svensson lea čállán giehtačállosa ja rešisseren bihtá.

– Mari Boine oassálastá musihkain. Emma Eliane Oskal Valkeapää neaktá lávddis sihke neavttárin ja juoigin. Lea nubbi teáhterbihttá mas Emma lea mielde ja einnostan ahte su birra beassabehtet gullat dás ovddasguvlui. Nu lohká Ida Løken Valkeapää ja muitala čájálmas lea ožžon buriid árvosániid Suomas ja Ruoŧas, muitala rešissevra Ida Løken Valkeapää preassadieđáhusas. 

Lea Tornedalsteatern mii lea buvttadan teáhterčájálmasa ovttas Suoma dáiddakollektiivvain Piste Kollektiivi ja áiddo álggahuvvon Kvääniteatteriin.

Bihtta rešissevra Ida Løken Valkeapää muitala preassadieđáhusas ahte boahtte vahkku fitnet Gárasavvonis gávccát beaivvi, Hánssagiettis (Storslett) logát beaivvi ja Romssas 12. beaivvi gos loahpahit mátkki, lohká regisevra

Son muitala teáhter čájehii čájálmasa Tärändö báikkis golggotmánu logát beaivvi, ja lea dan rájes fitnan Roavvenjárggas, Tornios, Julevus ja Badjedordnosis. 

-Almmuhus-