-Almmuhus-
OĐĐASATDuorastat ovdal «Čáhppes Bearjadaga» lea buot vearrámus lihkohisvuohtabeaivi

Duorastat ovdal «Čáhppes Bearjadaga» lea buot vearrámus lihkohisvuohtabeaivi

-

-

Otná beaivi johtolagas lea vearrát go ihttá, vaikko lea čáhppes bearjadat.

Máŋga jagi maŋŋálaga lea Black Friday, dahje čáhppes bearjadat, leamaš okta dain vearrámus lihkohisvuođabeivviin johtolagas.

Biilavuoddjit geat dopmet rámbuvrraide leat dagahan stuorát risikka johtolatlihkohisvuođaide.

Vearramus beaivvit johtolagas diibmá

Skábmamánu 23. beaivvi – 2032 johtolatlihkohisvuođa

Juovlamánu 18. beaivvi – 1994 johtolatlihkohisvuođa

Juovlamánu 22. beaivvi – 1993 johtolatlihkohisvuođa

 

Dál čájeha Finans Norge lihkohisvuođastatistihkka diimmážis ahte čáhppes bearjadat ii leat šat dat vearrámus beaivi, dat lea baicce beaivvi ovdal.

– Duorastat ovdal čáhppes bearjadaga ledje badjel 2000 johtolatlihkohisvuođa, mii dagaha dan vearrámus lihkohisvuođabeaivin Norgga luottain diibmá. Buhtadusat šadde birrasii 47 miljovnna ruvnno, ja vearrámus áigi lei gaskal diibmu 12 ja 13 go dalle ledje johtolatlihkohisvuođat juohke minuhta. Badjel 400 biilla vudje badjel luotta ja máŋgačuođi biilla beaškkehedje oktii biillaiguin mat čužžo jaska bisánanbáikkiin dan duorastaga diibmá, muitala Tryg Forsikringa gulahallanráđđeaddi, Torbjørn Brandeggen preassadieđáhusas.

 

Roakčananbeaivvit diibmá

Ođđajagemánu 17. beaivvi – 375 biilla beaškkehedje bisánan biillaid njeaiga

Guovvamánu 22. beaivvi – 304 biilla beaškkehedje bisánan biillaid njeaiga

Guovvamánu 7. beaivvi – 293 biilla beaškkehedje bisánan biillaid njeaiga

Dievdu 42 lea vearrámus

Buhtadussupmi čáhppes bearjadaga diibmá šattai badjel 30 miljovnna ruvnno.

Ledje eanemus lihkohisvuođat gaskal diibmu 12 ja 13, muhto maiddái gaskal 8 ja 9 ja 16 ja 17.

Dat áigodat go eanemusat vudje bisánan biillaid njeaiga lei gaskal 14 ja 15.

– Ii leat suorggahahtti ahte eanas dievddut leat vuoddjit dán bearjadaga. Diibmá ledje measta duppalit nu olu dievddut geat beaškkehedje eará biillaid njeaiga go nissonat. Gaskal 35- ja 50-jahkásaš dievddut ledje vearrámusat, dasto gaskal 50- ja 64-jahkásaš dievddut ja badjel 65-jahkásaš,dievddut. Maŋemus bohtet gaskal 35- ja 50-jahkásaš nissonat, čilge Brandeggen.

-Almmuhus-