-Almmuhus-
OĐĐASATDuorastaga sáhtát jo jienastit

Duorastaga sáhtát jo jienastit

-

-

Duorastaga borgemánu 10. beaivvi rahppo vejolašvuohta jienastit ovdagihtii, ja sáhttá jienastit vaikko makkár suohkanis lea.

Njeallje jagi áigi jienastedje 853 255 ovdagihtii stuoradiggeválggaid oktavuođas. Dál vurdet eambbosiid jienastit ovdagihtii, ja jáhkket ahte badjel miljovnna jienasteaddji jienastit ovdagihtii.

 

Jienastit vaikko gos
Ovdagihtii jienasteapmi bistá gitta čakčamánu 8. beaivái. Dalle sáhttet jienasteaddjit jienastit dan suohkanis gos sii leat, vaikko eai leat ruovttusuohkanis.
Jus dieđát ahte it leat iežat ruovttusuohkanis jienastanbeaivvi čakčamánu 11.beaivvi, de lea maid vejolaš ovdagihtii jienastit.

– Jus barggat ovdamearkka dihte eará suohkanis ja dieđát ahte it olle jienastit iežat suohkanis, de sáhtát árvvoštallat ovdagihtii jienastit válggaide, čilge kommunálaministtar Jan Tore Sanner NTB:i.
It dárbbat válgakoartta váldit mielde, muhto dus ferte leat identitehtaduođaštus fárus, dieđiha Válgadirektoráhtta neahttasiiddus.

-Almmuhus-