Duogušteamit leat guđa olgoriikka biillas, mat bohtet Litauenis, Latvias ja Duiskkas.
Duogušteamit leat guđa olgoriikka biillas, mat bohtet Litauenis, Latvias ja Duiskkas.
– Orru áigodat álgán, lohká Davvi-Norgga Duolloregiovnna ossodatjođiheaddji Tom Olsen Fiskeribladet aviisii.
Cuoŋománu, golmma duogušteamis, duoguštedje 909 kilo guollefilea. Eanas oassi dorski. Stuorámus duogušteapmi lei cuoŋománu 20. beaivvi, go bissehedje litauenlačča geas lei 611 kilo guolli mielde.
Njealji Litauen biillas leat duoguštan guoli, ovtta Latvia biillas ja ovtta Duiskka biillas. Duogušteamit ledje Buolbmágis, Ohcejogas ja Geađgeluobbalis.
Olsen lohká ahte mannan vahkkoloahpa ožžo dieđu ahte muhtun biillas lei tonna guolli mielde, ja lei jođus olggos riikkas, Nuorta-Eurohpái.
– Mii diehtit ahte bidje gálvvuid biilii ja vuoddjájedje, muhto eai boahtán makkár ge rádjestašuvdnii Davvi-Norggas, lohká Olsen.
Vihtta tonna jahkái
Son lohká ahte eatnasat geat váldojit, leat oggon turistaoaggunrusttegiin, erenoamážit Romssas ja Finnmárkkus.
– Sii geat dássážii leat váldon, leat leamaš muhtun oagguncampas oaggume Finnmárkkus, lohká son.
Maŋemuš jagiid leat duollárat duoguštan vihtta tonna guollefilea jahkái.
(©NTB)
