-Almmuhus-
OĐĐASATDuollárat áigot vurket govaid biillain mat rasttildit ráji

Duollárat áigot vurket govaid biillain mat rasttildit ráji

-

-

Duolloetáhta áigu govvet ja registreret buot biillaid mat rasttildit riikaráji. Ruhtadepartemeanta evttoha vurket govaid jahkebeali.

– Olbmot geat rihkkot lága leat šaddan eanet profešuneala ja hutkat. Sis lea dávjá veahkkevákta go rasttildit ráji, ja de fertejit duollárat oažžut buoret reaiddu vai sáhttet buorebut iskat rasttildemiid, muitala Ruhtadepartemeanta stádačálli Jørgen Næsje NRKii.

 

Isket spiehkastagaid

Dábálaš rádjerasttildeapmi ii leat guovddážis dán áššis, muhto spiehkastagat, muitala Nuorta Duolloregiovnna ossodatjođiheaddji Asle Farberg.

Spiehkastagat sáhttet leat stuora lossa guorbmebiillat mat rasttildit rádjestašuvnnaid gaskal diibmu 04 ja 06 iđidiid juohke vahkkoloahpa.

– Dalle oaidnit jus leat dábit mat dagahit ahte mii sáhttit geavahit resurssaid dakkár doaimmaide, muitala Farberg.

 

Gozihit vigihis olbmuid

Go vurke biilasiltanummariid, áiggi go rasttilda ráji ja gova biillain guđa mánnui de beassá Duollodoaimmahat gozihit vigihis olbmuid, oaivvilda Databearráigeahču direktevra Bjørn Erik Thon. Son vuorjašuvvá jus earát álget geavahit dáid dieđuid.

– Mii orrut oaidnime ahte eará etáhtat, nu movt politiijat, vearroetáhtat dahje Nav, álget beroštit dáin datain vai besset dutkat áššiid iežaset bargguin, dadjá Thon. (©NTB)

-Almmuhus-