Suoma Sámediggi lea addán sámedikki stivrii fámu ovddidit duohtavuođa- ja soabadankommišuvnna proseassa Suomas, čállá YLE Sápmi.
Suoma sámedikki nubbi várreságadoalli Duomis Ásllat Juuso muitala ahte čuovvovaš lávki lea ráđđádallat duohtavuođa- ja soabadankommišuvnna mandáhtas ovttas stáhtain.
Duohtavuođakommišuvdna lei sáttaságastallamis sámedikki dievasčoahkkimis vuossárgga 19.6. Čuovvovaš stivra ovddida ášši stáhta guvlui.
Ovddidit ášši
– Olles čoahkkin mearridii addit fámu stivrii ovddidit ášši ja earenoamážit dát čuovvovaš lávki lea mandáhta ráđđádallan dan kommišuvdnii, ahte dat galgá čielga mandáhta mainna dát kommišuvdna doaibmá, ráđđádallojuvvot dál stáhta ja sámedikki gaskka, muitala Sámedikki nubbi várreságadoalli Duomis Ásllat Juuso, YLE Sápmái.
