Mannan vahkkoloahpa duoguštii SNO, Stáda Luonddubearráigeahčči, lobihis firpmiid sihke Romssas ja Finnmárkkus.
SNO, Stáda Luonddubearráigeahčči, gávnnai ja duoguštii lobihis firpmiid Návvuonas, Skiervvás ja Álttás.
Birasdriektoráhtta dieđihii guokte dieđu dan birra Twitteris:
– Čuovvovaš lobihis fierpmit duoguštuvvo Romssas Stáda Luonddubearráigeahčus: Okta leaŋkafierbmi Silvetváhkin, Návvuona suohkanis. Okta 180 mehtera leaŋkafierbmi ja okta 60 mehtera fierbmi, goappašagat Ártnis, Skiervvá suohkanis.
– Okta lobihis fierbmi lea duoguštuvvon Simavik nammasaš guovllus Álttá suohkanis, Finnmárkkus. Dasa lassin gávnnai SNO nuohti mii ii lean albmaladje giddejuvvon.
