Guovtti tuvrras lea Stáda luonddubearráigeahčču duoguštan firpmiid, ja fuomášan máŋggaid eará bivdorusttegiid mat geavahuvvojit lobihemiid.
Stáda luonddubearráigeahčču (SNO) leat guokte tuvrra leamašan Oarje-Finnmárkku rittus dárkkisteame bivdorusttegiid, čállá birasdirektoráhtta Twitteris.
Gaskavahku čuovganeapmái, suoidnemánu 13. beaivvi, gávdne sii lobihis fierbmi Ealenjárgga bokte Álttávuonas, maid sii duoguštedje.
Fierbmi ii lean merkejuvvon namain dahje nummáriin, nu go galgá vai SNO galget diehtit gean lea fierbmi. Dan sii manne geahččat maŋŋel go cavgileami ožžo.
Sotnabeaivvi suoidnemánu 10. beaivvi ledje maid jođus.
Dalle duoguštedje maid ovtta fierpmi Fielvuonas, Álttá suohkanis.
Dasa lassin dárkkistedje ja gávdne, 7 mearddi mat eai lean njuolggadusaid mielde giddejuvvon. Daid ektui árvvoštallet sáhku čállit.
