Duodjebusse johtá boahtteáiggis Sámi giliin Suoma bealde ja veahkeha duddjomiin.
Duodjebusse lea johttiduodjerávvenbálvalus, mii rávvejeddjiiguin ja duddjonbiergasiiguin johtá giliin olbmuid luhtte. Lea ulbmil ollašuhttit maiddái kurssaid ja bargobájiid, čállá Yle Sápmi
Duodjebusses háliidit dahkat bissovaš doaibmamálle sámeguvlui. Ulbmil lea lágidit áinnas čieža sámegilážis duodjebargobáji dahje kurssa.
Johtti Duodjebusse -fidnui ohcá dál bargi. Bargi galgá organiseret doaimmaid ja plánet daid ollašuhttima. Bargis gáibiduvvo skuvlejupmi sámeduojis ja unnimustá B-vuodjinkoarta.
