-Almmuhus-
-Almmuhus-
OĐĐASAT – Duođalaš go mánát eai oaččo divššu

– Duođalaš go mánát eai oaččo divššu

-

-

Juohke viđát mánná ii oaččo psyhkalaš dearvvašvuođadivššu suohkaniin ja spesialistadearvvašvuođabálvalusas. 

Olu mánát, geat sáddejuvvojit mánáid- ja nuoraidpsykiatriijii, eai oaččo divššu, čájehit Dearvvašvuođadirektoráhta logut.

P4 lea čohkken loguid ja dieđihit ahte juohke viđát mánná lea dán dilis. 2018:s hilgojuvvojedje 21 proseantta mánáin geat ledje čujuhuvvon spesialistadearvvašvuođabálvalussii. Jagi maŋŋel ledje 23 proseantta máná seamma dilis ja diibmá lei lohku 21 proseantta. 

Mánáidáittardeaddji Inga Bejer Engh jáhkká mánát hilgojuvvojit danin go eai gávdno eanet psyhkalaš dearvvašvuođadikšofálaldagat. 

–  Dat mánát eai oaččo veahki spesialistadearvvašvuođabálvalusas, eai ge iežaset ruovttugielddain. Dat lea duođalaš. Olu gielddat eai váldde ovddasvástádusa fállat veahki mánáide geain eai leat nu duođalaš psyhkalaš váttut. Go gielddat eai nagot hukset vuosttašceahkkefálaldaga, de gártet menddo olu geavaheaddjit mánáid- ja nuoraidpsykiatriijii, lohká Engh. (©NTB)

-Almmuhus-