Elin Oskal & Bïerjen-Maahkes almmuheaba harmonalaš musihka mas lea duođalaš sisdoallu.
Elin Oskal & Bïerjen-Maahkes leaba ráhkadan pop-lávlaga boazodoallái gii lea Lágamánnerievttis go stevdnii Norgga stáda boazologu áššis.
Musihkka, man soai leaba ráhkadan, lea oassin «Pile O’Sápmi» doaluin mat lágiduvvojit Romssa gávpogis, seammás go ášši lea dikkis.
Harmonalaš musihkka mas lea politihkalaš prosa
Sudno musihkka ii dárbbat leat liđiid ja ráhkisvuođa birra, muhto lea boazodoalli birra gii hupmá garra politihka birra Sámis.
Boazodoalli vásáhus lea guovddážis dan politihkalaš prosas, go stáda mearrida ahte son ferte bákkus njuovvat ealu.
Musihkka lea dakkár hámis ahte sáhttá dánset dasa, ja lea bluegrass šuoŋas, mii sulastahttá countrymusihka.
Elin Oskal lea artista ja boazodoalli gii lea turistafitnodaga álggaheame. Son lea Sáltoduoddaris eret ja orron maid Johkamohkis.
Bïerjen-Maahke lea ođđamállet nomáda geas leat ruohttasat Bïerjen tjïeltes, Jeamtlánddas. Su nubbi artistanamma lea Max Mackhé, gii lea almmuhan musihka ovdal.
Almmuhandoalut dikki oktavuođas
Dan oktavuođas go boazodoalli Jovsset Ante Sara joatká áššiin diggegottis stáda vuostá, de almmuheaba Elin Oskal & Bïerjen-Maahkes lávlaga ođđajagemánu 26. beaivvi Bastard Báras, ja lea rabas buohkaide.
Lávlla lea Spotifys namain, lávlaga gulat dás vuollegis, ođasmahte siiddu jus ii iđe dalánaga:
