Justiisa- ja gearggusvuođaministtar Emilie Enger Mehl (Sp) mielas lea duođalaš go eanet ahte eanet nuorat geahččalit kokaiinna.
Nuorra Oslos -iskkadeapmi čájeha ahte gávcci proseantta buot ohppiin Oslo joatkkaskuvllain leat geahččalan kokaiinna dán maŋemus jagi. Dat lea golmma geardde eambbo go vihtta jagi áigi.
– Mu mielas dat lea duođalaš. Dál lea nuppes oanehis áiggis ahte mii oažžut loguid mat čájehit ahte nuorat ja mánát vuollel 18 jagi geavahit kokaiinna eambbo go ovdal, dadjá Mehl NRK:i.
Son muitala iežas russaáiggi gullan nuoraid dadjame ahte geavaheapmi normaliserejuvvo. Seammás oaidná son maid ahte eatnasat eai leat geahččalan.
– Muhto go geavaheapmi lassána, de lea duođalaš, go dat sáhttá dagahit stuora vahágiid sihke oanehis ja guhkit áiggis jus darvána gárrenmirkkuide main lea váttis fas beassat eret, dadjá Mehl.
Justiisaministtar dadjá ahte politiijain lea dehálaš rolla eastadit dán.
©NTB
