-Almmuhus-
-Almmuhus-
OĐĐASATDuođalaš biila­lihkohis­vuohta

Duođalaš biila­lihkohis­vuohta

-

-

Okta olmmoš sáddejuvvon buohccivissui.

Sotnabeaivvi iđida, váile diibmu čiežas, ožžo Romssa politiijat dieđu biilalihkohisvuođa birra Návuonas. 

Okta olmmoš lea duođalaččat roasmmehuvvan lihkohisvuođas ja sáddejuvvon helikoptera mielde Davvi-Norgga universitehtabuohccivissui (UNN). 

Sihke ambulánsa ja politiijat bohte lihkohisvuođabáikái, ja politiijat leat dutkagoahtán lihkohisvuođa. Biila lea bahuid roakčanan. 

– Mii eat dieđe man bahuid olmmoš lea roasmmehuvvan, eat ge dieđe mii lea sivvan lihkohisvuhtii. Ii oktage oaidnán go lihkohisvuohta dáhpáhuvai, dieđiha Romssa politiijaguovddáža operašuvdnajođiheaddji Fredrik Dahl NTB:i.

Lihkohisvuohta dáhpáhuvai E6-luotta alde Návuonas ja politiijat gozihit johtolaga báikkis, dieđiha operašuvdnajođiheaddji. 

-Almmuhus-