Vaikko lei hirbmat dulvi lulli-Norggas, de lea el-rávdnjehaddi allat.
Dábálaččat láve elrávdnjehaddi njiedjat go lea dulvi. Maŋemus áiggi báhkat suddadedje jođánit muohttaga ja ollu jogat dulve, erenoamážiid Nuorta-Norggas.
Vaikko dulvvai, de lea elrávdnjehaddi seammá allat go dálvet lei, dieđiha Norgga čázádat- ja energiijadirektoráhtta.
– Muohtasuddan devddii čáhcevuorkkáid. Lassáneapmi lei nu go vurdon, ii ge dagat ahte hattit njidjet, muitala čázádat- ja energiijadirektevra Per Sanderud.
Unnan arvi ja divraset CO2-haddi
Elrávdnjehattit leat ollu badjelis dán jagi. Dat alla haddi lea dan dihte go ii leat arván nu go dábálaččat láve, ja gásahaddi lea divraset go ovdal, nu go maid koalla ja CO2.
– Norggas lea dárbu dálkái go galgá oažžut el-rávnnji. Go ii arvve, de divrot hattit. Seammás lea divron viežžat elrávnnji olgoriikkas Norgii go CO2-meari haddi lea hirbmosit divron mannan dálvvi, čuoččuha Sanderud.
