-Almmuhus-
-Almmuhus-
MAGASIIDNA Dulkot nieguid festiválas

Dulkot nieguid festiválas

-

-

Márkomeanus loktejuvvo oassi sámi kulturárbbis mii ii digaštallo nu dávjá almmolašvuođas, namalassii nieguid dulkon. Ovttas Várdobáikki sámi guovddážiin bovde festivála ságastallamii earret eará “niegadeddjiiguin”.

Háliidat go gullat ja oahppat movt nieguid čilget galgá? De lea márkosámifestivála, Márkomeannu, báiki gos berret leat.

Sis galgá ságastallan dan birra festiválas, gos galget sáhttit gehččiid ofelastit movt čilget nieguid.

– Niegut leat dehálaš oassi sámi kulturárbbis, muhto 2016:s eai leat buohkat geat dihtet mo galgá dulkot, jus ovdamearkka dihte niegada heajaid, hávdádeami, ruđaid, dihkiid dahje biepmu, muitala Márkomeanu festiválajođiheaddji, Marita Kristin Eilertsen.

 

Gávdnojit ain olbmot

Son lohká liikká ain gávdnojit olbmot geat máhttet dán.

– Mis lea lihkku geain ain leat olusat min searvvis geat dulkojit iežaset nieguid,  ja sáhttet ofelastit min rivttes guvlui, lohká son.

 

Niegut ovdosat

Eilertsen namuha erenoamážit mo niegut sáhttet leat ovdosat.

– Min sámi giliin leat ollu máidnasat ja muitalusat mo niegut leat buktán ovdosiid mat leat leamaš veahkkin olbmuide iešguđetge láhkái, muitala Eilertsen.

 

Deddo

Eilertsenis lea ovdamearka juste ovdosiidda.

– Mis lea bargi guhte juohke jagi muitala ahte son deddohallá sullii mánu ovdal festivála ja niegada ahte ii mihkkige leat gearggus festiválii. Dalle son diehtá ahte dál lea áigi čohkket searaid ja áŋgiruššat vai buot gárvána festiválii, nu ahte soaitit sáhttá dadjat ahte niegut veahkehit Márkomeanu lágiduvvot, lohká festiválajođiheaddji vel loahpas.

 

Lea Várdobáiki Sámi guovddaš museajođiheaddji, Marit Myrvoll, guhte jođiha ságastallama bearjadaga suoidnemanu 29. beaivvi.

 

 

- Advertisement -
-Almmuhus-