Mannan vahkkoloahpa Finnmárkku Nuoraid Kulturdeaivvadeamis válljejuvvo sámenuorat viidáseappot NKD riikkafestiválii.
Mannan vahkkoloahpa lágiduvvui Finnmárkku Nuoraid Kulturdeaivvadeapmi dahje UKM Álttás. 240 oasseváldis válljejuvvojedje 19 oasseváldi viidásat Troanddimii ja NKD riikkafestiválii.
Sámenuorat besse viidásat
Sin searvvis leat maiddái sámenuorat.
15-jahkásaš deatnulaš Marthe Helene Nilsen beassá Troanddimii dujiinis man lea gohčodan «Stjernelue» dahje čiehgahpir.
Guovdageaidnulaš 13-jahkásaš Sunna Mari Joakimsen ges válljejuvvui viidáseappot govainis man lea gohčodan «Vuovdde siste oidno juoga»
Rocka musihkkajoavku mas Áksu, geas leat Håkon Berg (18), Mads Nilsen (18), Simen Schølberg (17) ja Tom-Rudi Jacobsen (17) maid beassá Troanddimis čuojahit «Higher» lávlaga dán gease.
Nuoraid Kulturdeaivvadeami riikkafestivála lágiduvvo Troanddimis geassemánu 19.-23. beivviid. Muđuid besse viidásat:
Láidesteaddji:
Preben Olsen, Nordkáhppa
Dáidda:
Magdalena Jenssen (14), Davvisiida, «Rosa fjord» njuohtan.
Ragna Gade Mortensen (13), Mátta-Várjjat, «Skumring», tevnnet
Filmmat:
Alexander Paulsen (17), Nathalie Lindgård (16) ja Selma Henriksen (16), Unjárga «Hybelhuset»
Lávdi:
Peter Wik (15) ja Sanna Lillevik (15), Davvesiida, noveallain: «Mannen som ingen bryr seg om»
Future HipHopjoavku mas leaba Benjamin Olsborg (15) ja Julia Alieva (16), Hammerfeasta, «Try your best» bihtáin.
Helene Holm-Glad (16) ja Solvår Ovrid (16), Hammerfeasta, «Søvnløs» bihtáin
Robin Fauskanger (18), Muosát, pianobihtáin «Avicii – Wake me up»