-Almmuhus-
OĐĐASATDuhtavaš go eai ovttastahte Davvi-Norgga ámmáhiid

Duhtavaš go eai ovttastahte Davvi-Norgga ámmáhiid

-

-

Gonagas stáhtaráđis lea mearridan oktiičaskit njeallje ođđa fylkkamánni ámmáha ođđajagemánu 1.beaivvi 2019 rájes. Mearrádus ii čuoza vuos Davvi-Norgga ámmáhiidda.

Dieđut:

Leat 17 fylkkamánneámmáha Norggas.

Fylkkamánnis leat 2599 jahkedoaimma.

1.1.2019 rájes šaddet 11 ámmáha.

 

Ođđa ámmáhat leat:

· Østfold, Oslo, Akershus ja Buskerud, – golmmain kantuvrrain

· Vestfold ja Telemárku, – ovttain kantuvrrain

· Hedemárku ja Opplánda, – ovttain kantuvrrain

· Hordalándd ja Sogn ja Fjordane, – guvttiin kantuvrrain

– Mii leat duhtavaččat go ráđđehus ii leat čuvvon fylkkamánniid riikaguovllumálle davvin, nu go váruheimmet gulaskuddamis departementii, lohká Nordlándda Fylkkamánni Hill-Marta Solberg.

Dálá struktuvra Nordlándda, Romssa ja Finnmárkku fylkkamánniámmáhiin bisuhuvvo.

 

Sáhttá rievdat maŋŋelaš

Dieđihuvvo maid ahte maŋŋelaš sáhttá šaddat áigeguovdil rievdadusaiguin go guovllustruktuvrrat álbmotválljejuvvon dásis lea čielggas. Dan dihte fertejit dahkkot eanet guorahallamat, ja mearrádusat dahkkot 2018 giđa. Dan maŋŋel galgá čielgat šaddá go okta dahje guokte guovllu davvin, ja rievdá go fylkkamánniámmát dan dihte.

– Mii leat čađat lohkan čielgasit ahte fylkkamánniid organiseren riikaguovllumálliin lea veadjemeahttun čoavddus. Viiddis guovlluid hástalus sáhttá goaridit fylkkamánni oktavuođa ollu suohkaniiguin. Riikaguovllumálle ii sáhte heivet gaskaoapmin stáda ja suohkaniid gaskkas, lohká Hill-Marta Solberg.

-Almmuhus-