-Almmuhus-
-Almmuhus-
-Almmuhus-
OĐĐASATDuhtameahttun báŋkogeavaheaddjit

Duhtameahttun báŋkogeavaheaddjit

-

-

Juohke njealját norgalaš lea duhtameahttun iežas báŋkkuin. Sbankena geavaheaddjit leat duhtavaččamusat.  

Sbanken lea vuot válljejuvvon báŋkun mas leat duhtavaččamus geavaheaddjit. 

EPSI Norga lea 15 maŋimuš jagi čađahan guorahallama mas isket man duhtavaččat norgalaččat leat iežaset báŋkofálaldagain ja 14 jagi leamaš Sbankena geavaheaddjit duhtavaččamusat. 

– Mii gal čevllohallat sakka go mis leat duhtavaččamus geavaheaddjit. Vuosttažettiin lea dat geavaheddjiid gudni go sii leat čeahpit muitalit mainna lea duhtavaččat ja maid sáhtašeimmet buoridit. Buori gulahallama bokte nákcet fállat buori fálaldaga sidjiide, dadjá Sbanken ASA geavaheddjiidjođiheaddji Stine Fiksdal preassadieđáhusas. 

Oktiibuot lea EPSI Norga jearahallan birrasii 2550 báŋkogeavaheaddji geat leat gaskal 16-ja 79-jahkásaččat. Guorahallamis boahtá ovdal ahte juohke njealját geavaheaddji lea duhtameahttun iežas báŋkku fálaldagain. 

-Almmuhus-