Sámediggi lea juolludan 676 000 ruvnnu Elva Eiendom AS ja Sara Duodji fitnodagaide.
Sámediggi lea juolludan 676 000 ruvnnu Elva Eiendom AS ja Sara Duodji fitnodagaide.
Sámediggeráđđi lea juolludan 413 000 doarjaga Elva Eiendom AS:ii.
Lean ilus ahte Elva Eiendom AS dál joatká viidáset ođasmahttimin camping oasis ja vuoruhit ovdánahttima vásáhusturisman ja dálveturisman Deanus, dadjá ráđđelahttu Silje Karine Muotka.
Sámedikki ráđđi geažuha ahte eaiggádat leat investeren ollu ieža ođasmahttit hotealla oasi, muhto lea ain dárbbašlaš viidát ođasmahttimii.
Ođasmahttimin
Elva Eiendom AS fitnodaga beaivválašjođiheaddji Arnt Ove Andersen lea ilus go leat ožžon dien mađe stuorra juolludeami.
Mii osttiimet fitnodaga juovlamánus 2012:s ja álggiimet dalle jo smávvát ođasmahttit dan, čilge son.
Andersen dovddasta Sámedikki doarjaga sin nagodit jođánabbot čađahit ođasmahttima, go lei álggos plánas.
Ulbmil lea deavdit márkana gáibádusaid ja sávaldagaid, earet eará mátkeealáhusa fálaldagaid ektui, čilge Andersen.
Dehálaš servvodatovdáneapmái
Silje Karine Muotka muitala fitnodaga háliidit maiddái vuoruhit eambbo vásáhusturisma, mii gullá mátkeealáhussii.
Dát prošeakta lea dehálaš mátkeealáhussii, muhto maiddái hui dehálaš servvodatovdáneapmái ja muđui báikki ealáhusaide, deattuha son.
Duhppenmášiidna
– Sámediggeráđđi lea juolludan 263 000 ruvnno Sara Duodjái ovdánahttit duhppen mášiinna, ja vel huksemiidda bargolanjaide, muitala Silje Karine Muotka.
Duhppenmášiidna addá vejolašvuođa buvttadit gálvvuid eanet osttiide ja márkaniidda, lohká Muotka.
Loga eanet Ávvira lávvordat báberaviissas.
