4500 olbmo eai leat mannan šihtton koronaiskosii Oslos. Maŋimuš vahkuid ii leat bealli ge gávpoga iskankapasitehtas geavahuvvon.
– Go olbmot eai boađe diibmui, de báhcá dušši áigi. De geavahat duššás áiggi maid livččiimet sáhttán geavahit iskat earáid, dadjá Mariann Engvik, gii jođiha Bryn iskanguovddáža Oslos.
Son jáhkká ahte váttisvuohta lea go olbmot eai beasa ieža válljet goas háliidit boahtit, muhto ožžot dáhtona ja áiggi.
– Mii jáhkkit eambbosat livčče boahtán jos ieža livčče sáhttán válljet áiggi. Dál oažžu iskkusáiggi gielddas, dadjá son.
Logut čájehit ahte unnit Oslo olbmot leat válljen iskkahit iežaset go eiseválddit rehkenaste.
– Mii ávžžuhat buohkaid geain leat symptomat iskkahit iežaset. Mis lea kapasitehta bargat dan, dadjá gávpotráđđejođiheaddji Raymond Johansen (Bb).
(©NTB)
