Dán vahkku doarjjui Sámedikki eanetlohku ahte galggašii ráhkaduvvot sierra Stuorradiggedieđáhus máttasámi kultuvrra, giela ja ealáhusaid birra, vaikke sámediggeráđđi lei rávven Stuorradikki ahte eai galgga ráhkadit dákkára.
Dán vahkku doarjjui Sámedikki eanetlohku ahte galggašii ráhkaduvvot sierra Stuorradiggedieđáhus máttasámi kultuvrra, giela ja ealáhusaid birra, vaikke sámediggeráđđi lei rávven Stuorradikki ahte eai galgga ráhkadit dákkára.
Norgga Sámiid Riikkasearvvi (NSR) bealis leat ilut go Sámedikki dievasčoahkkin lea dorjon ahte galggašii ráhkaduvvot sierra stuorradiggedieđáhusa máttasámi giela, kultuvrra ja ealáhusaid birra.
– Sámediggeráđđi fertet ovddidit dán Stuorradiggái
Sámediggi dagai dán mearrádusa maŋŋil go čielggai ahte sámediggeráđđi lea ovddidan Stuorradikki gielda- ja hálddašanlávdegoddái ahte eai galgga ráhkadit sierra stuorradiggedieđáhusas máttasámiid birra.
– Dát čájeha ahte ii leat eahpádus ge háliida go Sámediggi stuorradiggedieđáhusa máttasámi giela, kultuvrra ja ealáhusaid birra. Sámediggeráđđi ferte máhccat Stuorradiggái ja muitalit maid Sámediggi duođaid oaivvilda, lohká NSR sámediggeáirras Thomas Åhren preassadieđáhusastis.
– Dárbbašat dieđáhusa
Åhren oaivvilda ahte lea dárbu sierra stuorradiggedieđáhussii máttasámi dili birra.
– Dan dárbbašat vai sáhttit oaidnit mo ovddasguvlui galggašii dahkkot Mátta-Sámis ja vai oaidnit obbalaš dili ja mo kultuvra, giella ja ealáhusat gullet oktii. Dasa lassin gártet dákkár stuorradiggedieđáhusas jáhkkimis maiddái váikkuhusat olles Sápmái, joatká son.
Sihke NSR, Åarjel-Saemiej Gïelh ja Bargiidbellodat dorjo ášši dán vahkos, Åhren sávvá Stuorradikkis oažžut eanetlogu doarjaga boahtte vahkos.
