31-jahkásaš almmái dubmejuvvui odne 12 jahkái giddagassii Ohcejoga goddináššis.
31-jahkásaš almmái dubmejuvvui odne 12 jahkái giddagassii Ohcejoga goddináššis.
Odne gieđahalai Lappi gearretriekti Ohcejoga goddinášši, mas 17-jahkásaš gánda čukkohalai jámas Ohcejoga logahagas. 31-jahkásaš almmái, guhte maid lei logahaga oahppi, dubmejuvvui odne 12 jahkái giddagassii sorbmema ovddas, čállá Yle Sápmi.
Ovdal dikki de lei eahpesihkar ahte man ovddas dát almmái dubmejuvvo, suoma bealde oainnat earuhit sorbmema (su. tappo) ja olmmošgoddima (su. murha) gaskkas.
Bealušteaddji lei gáibidan albmá dubmejuvvot sorbmema ovddas, oapmahaččat ges gáibidedje albmá dubmejuvvot olmmošgoddima ovddas dágu roavisvuođa geažil, riekti dubmii albmá sorbmema ovddas.
Loga maid: Ohcejoga goddinášši duopmu gárvána odne
Niibbástallan dáhpáhuvai golggotmánu 24. beaivvi diibmá, politiijat ožžo dieđu dán birra 12 áigge (suoma áigge) ja válde 31-jahkásaš albmá gitta dakka maŋŋil.
Niibbástallama oktavuođas šadde bolesat evakueret olles skuvlla ohppiid ja maiddái ránnjávisttis sámegielat mánáidgárddi. Čukkohallan 17-jahkásaš lei roasmmehuvvon nu garrasit ahte ii lean jiellumis ja moadde diimmu maŋŋil almmuhedje bolesat ahte gánda lei jápmán.
31-jahkásaš almmái dovddastii vearredagus gažadeamis moadde beaivvi maŋŋil dáhpáhusa.
