-Almmuhus-
OĐĐASATDubmehalaiga lágamánnerievttis

Dubmehalaiga lágamánnerievttis

-

-

Áhčešguovttes Per Edvard Johnsen ja Simen André Johnsen Varsi dubmehalaiga Hålogalándda lágamánnerievttis rihkkon mohtorjohtolatlága.

Per Edvard Johnsen ja su bárdni Simen André Vars leaba dubmehallan Hålogalándda lágamánnerievttis rihkkon mohtorjohtolaga paragráfa 12 buohtastahtton paragráfa 3. Johnsen dubmehalai máksit 15 000 ruvdnosaš sáhku, ja su bárdni dubmehalai máksit 10 000 ruvdnosaš sáhku.

 

Ii vuos háleštan

Sis-Finnmárkku diggegottis áššehuvai Per Edvard Johnsen ja su bárdni Simen Andre Varsi oaččui 10 000 ruvdnosaš sáhku dan eavttu vuođul ahte šaddá máksit dan sáhku jus guovtti jagis rihkku fas lága. Áššáskuhttineiseváldi guoddalii goappešat áššiid lágamánneriektái. Sudno bealušteaddji Trond Biti lea beahtahallan go lágamánneriekti ii čuovvolan diggegotti jussa. Biti ii vuos sáhte lohkat nu ollu duomu birra.

*/

–  In leat vuos ollen háleštit iežan klienttaiguin, ja mii fertet fárrolaga lohkat duomu ja de oaidnit guoddalit go mii alimusriektái, lohká Biti.

 

Áššáskuhttineiseváldi lei čuoččuhan Johnsena dubmehallat máksit 18 000 ruvdnosaš sáhku, ja su bártni dubmehallat máksit 15 000 ruvdnosaš sáhku. Ávvir ii leat ožžon ášši áktora John Berhard Herstad ságaide.

-Almmuhus-