-Almmuhus-
OĐĐASATDubmehalai ruhtaverrošeami ovddas

Dubmehalai ruhtaverrošeami ovddas

-

-

Porsáŋggu dievdu lea dubmehallan Sis-Finnmárkku diggegottis go lea verrošan ruđain ja ožžon 70 533 ruvnno NAV:s masa sus ii leat riekti oažžut.

Dievdu, gii lea birrasii 40 jagi boaris, lea Sis-Finnmárkku diggegottis dubmejuvvon go lea verrošan NAV oadjoruđaid 70 533 ruvnno ovddas, go lea dieđihan NAV:i ahte ii leat bargan 672 diimmu skábmamánu19. beaivvi 2014 rájes gitta golggotmánu 1.beaivvi 2015 rádjái, vaikko son seamma áigodagas oaččui beaiveruđaid NAV:s.

 

Dubmehalai

Dievdu bođii diggái, muhto ii dovddastan iežas sivalažžan. Riekti goitge dubmii dievddu go lei alcces háhkan vuoitun, ja dubmii dievddu servvodatráŋggáštussii bargat 25 diimmu. Dasa lassin ferte dievdu máksit áššegoluid 4000 ruvnno ovddas.

Dievdu lea máksigoahtán ruđaid ruovttoluotta NAV:i.

-Almmuhus-