-Almmuhus-
-Almmuhus-
-Almmuhus-
OĐĐASATDubmehalai giddagassii

Dubmehalai giddagassii

-

-

Čihččetlotjahkásaš dievdu dubmehalai giddagassii rohcošeami dihte.

Dievdu dubmehalai Ufuohta diggegottis giddagassii go lea seksuálalaččat illastan gávcci bártni Dielddanuori suohkanis Nordlánddas.

Dán áššis šaddá dievdu 60-jagiin čohkkát golbma jagi ja 10 mánu giddagasas.

Son maid dubmehalai máksit 465 000 ruvnno bártniide geaid son lea illastan.  

40 gillájeaddji

Dievddu válde gitta juovlamánus 2017:s, go várohuvvui dákkár vearredaguid bargan juo 1970-loguid rájes. Politiijat gávdne sullii 40 olbmo geat sáhttet gillán daguid, muhto máŋga ášši heaittihedje go ledje áiggehuvvan. Áššit maid ovddas son dál dubmehalai, gevve gaskal jagi 2012 ja 2017, ja máŋga dáhpáhusa ledje suohkana vuojadanhállas.

Ii dieđe guoddala go

Duopmu lea áššečuoččáldahtti áigumušaid mielde. Dievdu biehttala ahte lea veagalváldán, muhto son ja su bealušteaddji eaba vel dieđe áiguba go guoddalit ášši.

– Dál lohkat duomu ja árvvoštallat maid galgat áššiin bargat viidáseappot, dadjá dievddu bealušteaddji Erling Malm Ntb:i. 

-Almmuhus-