30-jahkásaš dievdu dubmehalai golmma jahkái giddagassii go galgá veagalváldán doaimmashehttejuvvon nissonolbmo.
Davvi-Romssa diggegoddi dubmii 30-jahkásaš dievddu golmma jahkái giddagassii nissonolbmoveagalváldima dihte geas lea Down syndrom. Veagalváldin galgá dahpahuvvan 2018:s.
Lassin lea dievdu maid dubmehallan máksit 100 000 ruvnno buhtadusa nissonii, čallá NRK.
Ávkkástallan su doaimmashehttejumi
Duomus čuoččuhuvvo ahte dievdu lea ávkkástallan doaimmashehttejuvvon nissona ja «háhkan alcces seksuálalaš loavkideaddji veagalváldima».
Nisson lea čilgen ahte leat guokte dáhpáhusa go dievdu lea su doallan gitta dan botta go veagalválddii su, ja son ii nagodan vuosttaldit.
Guoddalan
Dievdu ii mieđihan iežas sivalažžan go ášši lei Davvi-Romssa diggegottis diimmá juovlamánus. Dievdu lea guoddalan duomu, ja su bealušteaddji Annichen Eleonora Rye-Holmboe ii hálit kommenteret ášši NRK:i.
(©NTB)
