Fargga álgá Joint Viking militearahárjehallan. Girdisihkarvuođa dihte lea stuora oasis Finnmárkkus gielddus girdit dronain.
Fargga álgá Joint Viking militearahárjehallan. Girdisihkarvuođa dihte lea stuora oasis Finnmárkkus gielddus girdit dronain.
Girdisihkarvuođa dihte lea ihtá rájes dronagielddus Finnmárkkus. Siviiladronaiguin ii beasa girdit guovllus gos Joint Viking militearahárjehallan lea.
Dat lea girdisihkarvuođa dihte, dieđiha Suodjalus preassadieđáhusas.
– Siviila dronagirdin hárjehallanguovllus dagaha stuora eahpesihkarvuođa girdisihkarvuhtii, čuožžu preassadieđáhusas.
Suodjalus lea ovttas Finnmárkku politiijameaštáriin bivdán Áibmojohtolatbearráigeahču bidjat gaskaboddosaš gildosa.
Gielddus álggahuvvo guovvamánu 28. beaivvi, ja loahpahuvvo njukčamánu 15. beaivvi, seamma beaivvi go hárjehallan maid loahpahuvvo.
