-Almmuhus-
-Almmuhus-
-Almmuhus-
KULTUVRADovddus násti bovde boahtit gullat go juoigá

Dovddus násti bovde boahtit gullat go juoigá

-

-

Son lea Musihkkakonservatoriija stipendiáhtta UiT Norgga árktalaš universitehtas, ja galgá almmuhit iežas stipendiáhttaprošeavtta «The Modern Ancient Voice». Das de beasat gullat su juoigame.

«The Modern Ancient Voice» lea dáiddalaš dutkanprošeakta mas Anneli Drecker lea fitnan iešguđet rávvejeddjiid luhtte ja háhkan vugiid mat gullet álgoálbmogiid lávlunteknihkkii.

 

Čottalávlun ja juoigan

Drecker lea bargan sihke čottalávlumiin, guovttejienat lávlumiin ja luđiin. Son lea maiddái guorahallan Persia ja Norgga árbevirolaš lávluma, ja kapa haka.

Dáid teknihkaid lea Anneli váldán atnui go ráhkada iežas musihkkalaš máilmmi ja ođđa dáiddalaš ovdanbuktima, mainna bajida teknihkaid ja sin geat geavahit daid.

Konsearttas beasat vásihit ovtta Norgga dovdoseamos lávluin go ovdanbuktá dán earenoamáš prošeavtta, mas leat oasit maid almmuhit dušše dán vuorus. Konsearta lea cuoŋománu 25. beaivvi Teáhterkafeas, Romssas, ja lea almmuhuvvon ahte lea nuvttá beassat sisa.

Anneli Drecker lea dovddus musihkkár Norggas. Son lea ovdal ovttasbargan sámi artisttaiguin, maŋemusat lei ođđajagemánus Romssas go lei mielde The Orchestral joik konsearttas, ovttas earret eará Mari Boiniin, Marja Helena Mortenssoniin ja Frode Fjellheimain.

-Almmuhus-