Davvi-Hålogalándda bisma lohká iežas fuolastuvvan dorvoohcciid dili geažil.
Davvi-Hålogalándda bisma lohká iežas fuolastuvvan dorvoohcciid dili geažil.
Davvi-Hålogalándda bisma, Olav Øygard, lea bovdejuvvon Finnmárkku fylkkamánni sátnejođiheaddjičoahkkimii Kárášjohkii dán vahkku.
Čalmmustahttá dorvoohcciid dili sátnejođiheddjiide
Øygard muitalii iežas áigut earret eará hállat dorvoohcciid váttis dili birra ja rápmo Finnmárkku gielddaid bargan hirbmat buorre barggu dán maŋimuš jahkebeali.
– Dál lea šaddan dorvoohcciide hirbmat váttis dilli go eiseválddit leat sáddegoahtán bákkus dorvoohcciid Ruššii Storskog bokte. Iige Finnmárkku fylkkamánni ja gielddat sáhte dás mearridit maidege. Mun lean hirbmadit fuolastuvvan go olbmot leat šaddan dán dillái. Gulan olu ballán olbmuid birra doppe, lohká Davvi-Hålogalándda bisma, Olav Øygard Ávvirii.
