Nu dat ráppiiga dát guovttos.
Nu dat ráppiiga dát guovttos.
Truls Svendsen lea dovddus TV2 kanála prográmmajođiheaddji. Lea vuosttaš háve go Svendsen galgá ráppet ovttas sámi dovddus rapartisttain SlinCraziin odne eahkes TV-prográmmas «Truls oppdrag Norge».
SlinCraze lea duhtavaš
Sámi rapartista SlinCraze dahje mázelaš Nils Runar Utsi lea duhtavaš Truls Svendsen ovttasbargguin.
– Lei issoras somá ja miellagiddevaš ovttasbargat Trulsain danne go son lei nu čeahppi ja go jurddaša ahte lei vuosttaš háve ráppen, de lei boađus buorre ja somá, muitala SlinCraze Ávvirii.
Almmuhit maŋŋá prográmma
– Dakkaviđe go TV-prográmma nohká, de almmuhit lávlaga buot vejolaš interneahta musihkkačuojahanbáikkiin, čállá preassadieđáhusastis SlinCraze buvttadeaddji Lars “TH’PUG” Svehagen.
Muđui otná prográmmas beassá oaidnit Truls Svendsena hástalusaid Svalbárddas, Álttás ja Mázes.
