FIERCA
21/3-19/4
Dál ii leat heivvolaš vuoiŋŋastit. Leat ollugat geaid fertet čuovvut maid dahket.
Jus vajálduhtát earáid, de gárttat váttisvuođaide. Ii ge leat ávki dahkat dan maid earát háliidit.
Dat mii doaibmá, lea váldit earáid geaiguin deaivvadat, ja dan mii dáhpáhuvvá, duođalažžan.
Jus dovddat huša, de unnu dat vahkku mielde. Daga dan maid fertet, seammás go válddát gulul it ge daga eará go dan maid fertet.
VUOKSÁ
20/4-21/5
Leage rabas ulbmillaš čoahkkimiidda mat álgoálggus orrot sahtedohko. Guldal dárkilit maid earát dadjet ja oaivvildit.
Guldal iežat dovdduid, ja movt don reageret. Jus mihkke njuorasmahttá du, de lea dat dehálaš. Dat sáhttá leat buorre dahje váttes ášši.
Áicca dovdduid ja čájet daid earáide.
Muđui sáhtát bargat nu go dábálaččat, maiddái iežat hommáiguin buđaldit.
JUMEŽAT
21/5-21/6
Don sáhtát dál álkit jorbbodit. Bisán ja jurdil ovdal go dajat maidege.
Dál ii leat áigi hupmatcoahkkásit dahje dadjalit jođánis ja somás kommentáraid.
Jus ii leat mihkke dadjamušaid, de doala njálmmi. Doallat njálmmi lea várra buot buoremus dahku dus dán vahkku.
Geavat jierpmi eará diŋggaide mat doibmet. Praktihkalaš ja ávkkálaš jurdagat doibmet mihá buorebut go oaivilat ja dušši ságat.
REABBÁ
22/6-22/7
Ráhkisvuohta mielddisbuktá dávjá olu maid galgá bargat, ja reappáide lea ge stuora ovddasvástádus mii deaddá.
Dán vahkku lea buoremus liikot dasa maid bargá, ja bargat dan masa liikot. Illut go beasat veahkehit sin geat atnet árvvus ja dárbbašit dan.
Jus váibbat addimis, de soaitá dat danne go don attát dan maid earát háliidit, muhto don it ieš hálit.
Álgge fal dainna. Atte dan man iluin háliidat addit, dahje divtte orrut.
LEDJON
23/7-22/8
Ledjonis leat dál hávskes beaivvit. Praktihkalaš ja jierpmálaš daguid sáhtát oktiiheivehit višuvnnaiguin ja siskkáldas árvvuiguin.
Don sáhtát álkit dahkat dan mii dutnje doaibmá, ja seammás addit skeaŋkkaid ja ilu earáide.
Dál ii heive leat iešráhkis dahje idealisttalaš, muhto illudit iežat ovddas go utnolaš vugiin juogát earáide.
BUHTISNIEIDA
23/8-22/9
Jus geavahat áiggi jurddašit dárkilit dili, de šaddá dutnje dat fiinna vahkku.
Jus geahččalat gávdnat mihus vástádusaid ja buriid čovdosiid earáide, de sáhttá dat daagahit váttisvuođaid.
Ale oza alddát boasttuvuođaid ja váttisvuođaid, oza baicca vástádusaid, dan buori ja mii dat addá dutnje ráhkisvuođa ja eallinmovtta.
Go dan gávnnat, de lea áigi láddan addit dan alccet. De lea maid áigi čájehit utnolašvuođa.
VIEHKAT
23/9-22/10
Dál lea dilihisvuohta, ja eallin gáibida ahte don mearridat geainnu.
Daga bargguid albma ládje ja vuđolaččat. Vállje dan mii dutnje lea buoremus.
Oro jaska dan sadjái go bargat dan mii ii heive du árvvuide.
Jurddaš positiivvalaččat, muhto ale bala duolvamis go galggat doaimmahit dárbbalaš barggu.
Jus orru njozet manname, de váldde gulul. Gal don áiggi mielde oaččut leahtu barggus.
SKORPIUVDNA
23/10-21/11
Vahkku álgá hušain. Jus rievttes vugiin dohppet dan, de šaddá vahkku dađi mielde jaskadeabbon ja nu oaččut maid siskkáldas ráfi.
Seammás ii leat ávki bargat nu go lávet ja čuovvut boares dábiid.
Jurddaš maid don háliidat, dahje maid lea dáhttu dahkat vai joavddat dohko.
Várut fal ahte geaidnu dohko ii billis ulbmila, dahje dat movt barggat billista dan maid háliidat olahit.
Leage stáđis, ja čájet iežat duohta gova.
BÁHČČI
22/11-21/12
Jus leat liiggás návccat, de investere boahtteáigái, áinnas ovttas earáiguin geain leat ideat ja oidnet vejolašvuođaid.
Muđui gávnnat olu ilu go ovttastalat buriid ustibiiguin.
Deháleamos dutnje ii leat visot mii olgomáilmmis dáhpáhuvvá, muhto dat movt duinna manná ja mii du siskkáldasat dáhpáhuvvá.
Guldal intuišuvnna, ja dat doalvu du de dohko gosa galggat ja háliidat.
BÁKTEBOHKKÁ
22/12-19/1
Váldde iežat barggu duođalaččat, ja daga dan maid galggat dahkat.
Lea liikká dehálaš bargat dan mii ii leat nu suohtas, ja masa don don illudat.
Doala ráfi ja leage nu ustitlaš go sáhtát.
Dat mii olgguldasat dáhpáhuvvá, dat čájeha maid mii du siskkáldas máilmmis dáhpáhuvvá.
Jus háliidat rievdadit olgguldas máilmmi, de fertet iežat miellaguottuid rievdadit. Dat goit doaibmá hui bures!
ČÁHCEOLMMÁI
Muitte movt friddjavuohta ja oadjebasvuohta doibmet ovttas.
Jus it beroš ja barggat dan maid háliidat dál, de sáhttá friddjavuohta fáhkka nohkat ja rievdat dorvvuhisvuohtan.
Muhto dat sáhttá maid dagahit eanet balu ja dorvvuhisvuođa jus dušše vikkat doalahit oadjebasvuođa.
Iskka baicca mii friddjavuohta lea dutnje, ja makkár oadjebasvuođa don dárbbašat, ja doalat de dan.
GUOLIT
19/2-20/3
Vahkku álggus oaččut don energiija ja jálluvuođa. Geavat vejolašvuođaid, ja daga dan mii buktá ilu.
Leage hutkkálaš. Doala maid čalmmis duohtavuođa máilmmi.
Ale gáidda beare guhkás eret duohtavuođa máilmmis. Niegat, muhto doala gitta «báttis» mas don fas sáhtát geassit iežat duohtavuhtii, jus dasa šaddá dárbu.
Luoitte suittehiid, muhto doala fokusa.
Horoskopa ráhkadan: Atle Skretting, astrologa, NTB
