OĐASTUVVON: Olmmoš gii gávdnui biillas mii lei merrii vuodján Honnesvágis, lea dolvojuvvon Seaking helikopteriin. Politijat dutkagohtet dál ášši.
Honnesvágis lea biila vuodján káija badjel merrii. Buokčaleaddjit gávdne ovtta olbmo dieđuheapmin dan biillas odne iđđes, ja ožžo su gáddái.
– Olmmoš gean mii lea gávdnan biillas, lea dieđuheapmi. Dál leat bivdime heakka sutnje, muitalii Oarje-Finnmárkku politiijaid operašunjođiheaddji Andreas Vesterhus ovdalgaskabeaivve Ávvirii.
Dál lea son dolvojuvvon buohccevissui.
Politiijat ožžo duođaštuvvot ahte eai lean eambbosat biillas.
Dát káiá galgá leat Klubben gáhtas Honnesvágis.
Vesterhus muitala ahte politiijat ožžo dieđu dán biilla birra AMK guovddážis, ovdalaš diibmu logi iđđesbeaivvi odne duorastaga. Sii eai dieđe vel movt biila lea geavvan čáhcái, eai ge dieđe man guhká lea leamaš čázi vuolde.
